ఐస్క్రీమ్ చూస్తే చాలు
గుర్తుకొచ్చేస్తావు
కరిగిపోయేదానివని కాదు
దాచుకోలేనిదానివి కనుక
ఏళ్ళొచ్చినా చావని పిల్లతనం
మోడర్నిటీలో ఎంత శాపం
ఇదొద్దు అదొద్దు అదీఇదీకలిపీ ఒద్దు
ఏదీ ఒద్దు
ఇవి కాక ఇంకేదో కావాలి
ఎంతఎంత ఆశలు నీలో
ఊడిపడిపోయేంత విచ్చుకున్న ఆ కనుగుడ్లలో
ఒక నేను
రెండు నేనులై నీ ఆ కనుబొమ్మల్లో
ఎన్నోకోర్కెల నిన్ను
ఇముడ్చుకునే ఒకే ఒక్క చూపునై
కరిగె కరిగె ఆశలా కరిగె
ఙ్ఞాపకాల హిమములో
కొనేది కేవలం ఒక నోటు
ఇచ్చేది వాడెవ్వడో
నాకూనీకూ ఏమీ కానివాడు
మిగిలింది కేవలం ఒక చెమ్మటి
వేదన
పోయావుగనుక
ఐస్క్రీమ్ చూస్తే నువ్వే గుర్తుకొస్తావు !
No comments:
Post a Comment