విపరీతం

తలుపు-లు తెరచే ఉంచా
నువ్వు రావని తెలిసీ
వచ్చేదీ పోయేదీ నా నీడే
ఇంధ్రధనుసు రంగుల్లోది
వానచుక్కల వాసనలది
నీడకున్న పాటి జీవితం లేని శరీరం మోస్తూ
చూస్తున్నా చూస్తున్నా 
సగం నిద్రలో
ఏసీ చలుల్లో దుప్పటి కప్పుకుని
నువ్వొదిలేసిన పరుపులోని ఖాళీని నిమురుతూ
సగం చంద్రుడిని తినేసే ఆకాశాన్ని ఊహిస్తూ
చూస్తున్నా చూస్తున్నా
కిటికీలు తెరుచుకుని
గోడల మధ్య ఇరుక్కుని
ఆత్మవై రాకూడదా
శరీరం ఎక్కడైనా ఉంచుకుని , అమ్ముకుని , చంపుకుని
తగలెట్టుకుని, పాతిపెట్టుకుని
ఙ్ఞాపకమై గుచ్చనేల
ఫోను నెంబరైనా ఈక బ్రతకనేల
చచ్చి ఆత్మ ఐ నా ..రా
గోడలైనా తెరుస్తా.. చాతనైతే